Eden Hazard, leikmaður Chelsea á Englandi, gæti misst af fyrri leik liðsins gegn Atletico Madrid í undanúrslitum Meistaradeildar Evrópu.
Hazard, sem var í dag tilnefndur til verðlauna sem bæði besti leikmaður ensku úrvalsdeildarinnar á tímabilinu sem og besti ungi leikmaður tímabilsins, meiddist á kálfa gegn Paris Saint-Germain í 8-liða úrslitum Meistaradeildar Evrópu.
Hann gæti því misst af fyrri leik liðsins gegn Atletico Madrid í undanúrslitum en Steve Holland, aðstoðarþjálfari Chelsea, sagði að ekki er öruggt að hann verði klár.
,,Við erum ekki búnir að loka á þann möguleika að hann verði með en hann hefur ekkert æft með hópnum sem segir okkur það að það þykir ólíklegt að hann spili," sagði Holland.
Athugasemdir