Það er létt slúðrið á þessum fína föstudegi en minna er um risaslúður eins og vaninn er yfirleitt í þessu Powerade-slúðri. Hér fyrir neðan má þó sjá það helsta.
Mauricio Pochettino, stjóri Southampton, er handviss um að Luke Shaw eigi eftir að halda sig hjá félaginu og spila þar á næstu leiktíð. (Independent)
Guillermo Ochoa, markvörður Ajaccio í Frakklandi, verður samningslaus í sumar en Liverpool hefur haft mikinn áhuga á honum. Markvörðurinn hefur ekki lokað á það að fara í ensku úrvalsdeildina. (Daily Express)
Alan Pardew, stjóri Newcastle, segir að Loic Remy, framherji liðsins, gæti verið keyptur til félagsins í sumar frá QPR en hann er nú þegar á láni hjá Newcastle. Hann gæti þá hafnað því að leika með liði í Meistaradeildinni fyrir Newcastle. (Guardian)
Juventus á Ítalíu reynir þessa stundina að ganga frá kaupunum á Pablo Osvaldo frá Southampton en hann er á láni hjá ítalska félaginu. Southampton vill fá 15 milljónir punda en Juventus vill einungi borga 7 milljónir punda. (Daily Mirror)
Pepe Mel, stjóri WBA, hefur hafnað því að hann sé aftur á leið til Real Betis í spænsku úrvalsdeildinni. (Daily Star)
Bandarískir auðkýfingar eru nú að undirbúa tilboð í enska úrvalsdeildarfélagið Aston Villa en þeir munu einungis kaupa félagið ef það heldur sér uppi í deildinni. (Daily Telegraph)
Manchester City ætlar að halda sig við Manuel Pellegrini þó svo liðinu takist ekki að vinna ensku úrvalsdeildina í ár. (The Sun)
Athugasemdir