Dylan Tombides, framherji West Ham United á Englandi, lést í morgun eftir baráttu við krabbamein en félagið greindi frá þessu í morgun.
Tombides, sem var einungis 20 ára gamall, var afar efnilegur framherji en hann hafði leikið fyrir öll yngri landslið Ástralíu og þá seinast í janúar á þessu ári.
Hann greindist með krabbamein í eistum fyrir þremur árum en lést í morgun eftir harða baráttu við meinið.
Tombides lék með aðalliði West Ham fyrir tveimur árum er hann kom inná gegn Wigan Athletic í deildabikarnum en þá lék hann einnig á HM U17 í Mexíkó með Ástralíu.
Athugasemdir