PSV Eindhoven varð í kvöld Hollandsmeistari í 22. sinn með því að vinna 4-1 sigur á Heerenveen.
Þetta var í fyrsta sinn í sjö tímabil sem PSV Eindhoven vinnur titilinn en með sigrinum í dag fóru þeir í 79 stig í deildinni og þar með ljóst að Ajax sem er í öðru sætinu á ekki kost á að ná þeim að stigum. Ajax hefur unnið Hollandsmeistaratitilnn undanfarnar fjórar leiktíðir.
Luuk de Jong skoraði með skalla í byrjun leiksins í dag og eftir það var eftirleikurinn auðveldur.
Memphis Depay markahæsti leikmaður deildarinnar bætti við marki úr aukaspyrnu, sitt 20. mark á tímabilinu. Joeyvan den Berg minnkaði muninn fyrir Heerenveen áður en De Jong skoraði aftur og Luciano Narsingh kláraði dæmið svo endanlega.
Athugasemdir