Lazio er liðið í 2. sæti deildarinnar og 2-0 sigur Juventus skipti því verulegu máli í átt þeirra að því að vinna deildina.

Carlos Tevez og Leonardo Bonucci komu Juventus í 2-0 með mörkum í fyrri hálfleik en með sigrinum er liðið komið með 15 stiga forskot á Lazio sem fram að þessu hafði unnið átta leiki í röð.

AS Roma gæti því náð í 2. sætið að nýju ef þeim tekst að vinna Atalanta á morgun en þeir yrðu þá 13 stigum á eftir Juventus þegar sjö leikir eru eftir af mótinu.

,,Ég er ánægður, ekki bara með leikinn í kvöld heldur allt sem við höfum gert til þessa," sagði Massimiliano Allegri stjóri Juve við Sky Sports Italia í kvöld. ,,Við erum gott lið og vitum hvernig á að stjórna leikjum. Við þurfum enn að vinna nokkra leiki og bæta við nokkrum jafnteflum."

Tevez fagnaði marki sínu í kvöld með því að leika eftir kjúkling og sveifla höndum, nokkuð sem stuðningsmenn Boca Juniors gera oft um erkiféndurna í River Plate. Sumir telja að þetta hafi verið merki um að hann sé að fara að snúa aftur heim til Boca.

,,Ég tel að það sé mannlegt að hann sakni heimalandsins,",,Stundum sakna ég Livorno og ég er bara í þriggja tíma akstursfæri frá heimabænum."

Juventus 2 - 0 Lazio
1-0 Carlos Tevez ('17 )
2-0 Leonardo Bonucci ('28 )
Rautt spjald:Danilo Cataldi, Lazio ('89)

Sampdoria 0 - 0 Cesena