Óvíst er hvort Carlo Ancelotti verði áfram hjá Madrídingum eftir sumarið en liðið er sem stendur tveimur stigum á eftir Barcelona í spænsku deildinni og þá gerði liðið markalaust jafntefli við Atletico Madrid í fyrri leik liðanna í 8-liða úrslitum Meistaradeildar Evrópu.

Lopetegui hefur aftur á móti gert magnaða hluti með lið Porto á þessari leiktíð en liðið vann Bayern München með þremur mörkum gegn einu í fyrri leik liðanna í 8-liða úrslitum Meistaradeildarinnar og þá er liðið í öðru sæti portúgölsku deildarinnar.

Hann hefur verið sterklega orðaður við Real Madrid að undanförnu en hann segist ekki vera á leið þangað.

,,Ég hef ekki áhuga á því. Ég er mjög ánægður hjá Porto og mér líður mjög vel í þessu verkefni mínu hjá félaginu," sagði Lopetegui.