mið 18. apríl 2018 20:37
Ingólfur Stefánsson
Noregur: Aron skoraði þrjú
Mynd: Fótbolti.net - Ómar Vilhelmsson
Fyrsta umferð norsku bikarkeppninnar var spiluð í dag. Aron Sigurðarson átti stórleik í öruggum sigri Start á Vigor.

Aron skoraði þrjú mörk í 8-1 sigri Start. Guðmundur Andri Tryggvason var einnig í liði Start en Kristján Flóki Finnbogason kom ekkert við sögu.

Orri Sigurður Ómarsson var í byrjunarliði Hamkam í 3-1 sigri gegn Tynset en fór útaf eftir rúman klukkutíma leik.

Ingvar Jónsson stóð í marki Sandefjord í stórsigri á Eik-Tonsberg en Emil Pálsson var frá vegna meiðsla.

Hólmbert Aron Friðjónsson og Aron Elís Þrándarsson voru á varamannabekknum hjá Alesund sem tapaði 2-1 gegn D-deildarliði Bergsoy. Þá var Samúel Friðjónsson á varamannabekk Valeranga sem sigraði Arvoll örugglega 8-0.
Athugasemdir
banner
banner