Pepsi-kvenna: Þór/KA og ÍBV með örugga sigra

Tveim leikjum er lokið í Pepsi deild kvenna en heil umferð fer fram í deildinni í kvöld.

Á Akureyri voru nýliðar ÍA í heimsókn hjá Þór/KA á Þórsvelli og er skemmst frá því að segja að heimakonur unnu öruggan fjögurra marka sigur þar sem Sandra María Jessen gerði þrennu. Þór/KA þar með komið á blað í deildinni en Skagakonur eru án stiga eftir tvo leiki.

Á sama tíma voru Eyjakonur í heimsókn hjá Fylki í Árbænum þar sem ÍBV náði í sín fyrstu stig með því að sigra 3-1.