Binni Gests þjálfari ÍR var ekki sáttur með byrjun sinni manna gegn Þrótti á heimavelli í kvöld.
Lestu um leikinn: ÍR 1 - 3 Þróttur R.
„Fyrri hálfleikurinn klikkaði bara, fyrstu 20 mínúturnar voru slakar, tvö horn, tvö mörk og við vorum bara ekkert mættir þarna í byrjun og mér fannst við ekki bara bogna heldur brotna eftir það mark."
ÍR voru töluvert sterkari í seinni hálfleik þrátt fyrir að hafa tapað honum 1-0. Binni var nokkuð sáttur með seinni hálfleikinn.
„Sem betur fer var staðan 2-1 í hálfleik, Þróttararnir hefðu getað verið búnir að gera meira í fyrri hálfleik. Seinni hálfleikurinn fór bara fram inn í teig hjá Þrótti þannig séð, en við vorum samt sem áður ekki að nýta það næginlega vel.Við fáum fullt af álitlegum möguleikum og hefðum átt að nýta eitthvað af þeim en gerðum það ekki því miður."
Sagði Binni Gests en nánar er rætt við hann hér að ofan.
Athugasemdir