Kristófer Sigurgeirsson, þjálfari Leiknis, var skiljanlega sár og svekktur eftir leik kvöldsins enda hans lið búið að tapa fyrstu þremur leikjum sínum í Inkasso-deildinni.
Lestu um leikinn: Fram 3 - 0 Leiknir R.
„Ég er kjaftstopp miðað við hvað strákarnir lögðu í leikinn... ég næ því ekki að við höfum tapað 3-0," segir Kristófer.
Hann gerði fimm breytingar frá síðasta leik, er hann enn að reyna að finna sitt rétta lið?
„Það voru fjórir leikmenn að koma inn með síðustu skipunum og við erum að reyna að púsla þessu saman. Við hefðum þurft að vera aðeins fyrr með þetta. Það er eitthvað sem ég verð að taka á mig. Við eigum að vera komnir lengra á þessum tíma."
Viðtalið má sjá í heild í sjónvarpinu hér að ofan.
Athugasemdir