Sigurður Ragnar Eyjólfsson, þjálfari íslenska kvennalandsliðsins, hefur þurft að gera nokkrar breytingar á hópnum frá því hann valdi hann, en hann hefur aftur þurft að gera breytingu.
Anna Björk Kristjánsdóttir spilar ekki með liðinu gegn Dönum vegna meiðsla og kemur Mist Edvardsdóttir því inn í hópinn í stað hennar.
Mist er varnarmaður, en hún leikur með norska úrvalsdeildarliðinu Avaldsnes. Hún lék með Aftureldingu, Val og KR áður en hún fór út til Noregs.
Hún er núna mætt í hópinn fyrir vináttuleikinn gegn Dönum sem fer fram á fimmtudag, en hún á níu landsleiki að baki.
