Lestu um leikinn: Valur 1 -  0 KA

Eiður kom til Vals frá Holsten Kiel í Þýskalandi fyrir nokkrum vikum en hann lék sinn fyrsta leik í dag.

Hann var sáttur með útkomuna.

„Við vörðumst mjög vel fannst mér og Anton var flottur í markinu þarna í restina," sagði Eiður Aron við Fótbolta.net.

„Ég er nokkuð sáttur og held ég hafi átt fínan leik eins og allt liðið. Skiluðum boltanum vel frá okkur og vorum allir að verjast saman mjög vel."

Bjarni Ólafur Eiríksson fékk að líta rauða spjaldið á 60. mínútu en Valur varðist mjög vel eftir það og hélt skipulagi.

„Við droppum aftur sem er skiljanlegt og þeir eru að crossa boltum sem við ráðum ágætlega vel við. Eftir að við misstum Bjarna útaf fannst mér þetta aldrei í hættu."

„Þetta er fyrsti alvöru leikurinn minn síðan í febrúar. Leikformið er betra en ég átti von á en ég er ferskur eftir leikinn.

Eiður kom eins og áður segir frá Holsten Kiel en hann segir munurinn á deildunum ekkert svakalegur.

„Toppliðin þarna úti eru aðeins betri en þau sem eru hérna. Heilt yfir er þetta svipað.

Eiður spilaði með ÍBV áður en hann fór til Þýskalands en er nú kominn til Reykjavíkur. Hann er ánægður með nýja umhverfið.

„Ég kann mjög vel við mig hérna og erum að koma okkur fyrir. Stelpurnar koma í bæinn núna 1. júlí þannig þetta er allt að koma," sagði hann í lokin.