Srdjan Tufegdzic, þjálfari KA í Pepsi-deild karla, var ánægður með vinnuframlag sinna manna þrátt fyrir 1-0 tap gegn Val í kvöld.
Lestu um leikinn: Valur 4 - 0 FH
Valur skoraði með sjálfsmarki frá Darko Buletovic en það kom í upphafi leiksins og reyndust það lokatölur.
KA hefur byrjað tímabilið vel en liðið kom upp úr Inkasso-deildinni á síðasta tímabili. Tufa var sáttur með spilamennskuna í dag.
„Fyrstu viðbrögð eru svekkelsi. Maður er alltaf svakktur að tapa leikjum og sérstaklega með marki sem kemur á fyrstu mínútur úr horni. Við fengum nóg af færum til að jafna en við sýndum að við getum spilað við öll lið í þessari deild," sagði Tufa.
„Heilt yfir er ég sáttur. Við vorum í basli fyrstu tuttugu mínúturnar, vorum að venjast grasinu og vorum að missa af einföldum sendingum og í eltingaleik en við vorum smá saman að ná stjórn á leiknum og fengum tvö mjög góð færi til að jafna en svona er fótboltinn."
KA spilaði manni fleiri síðasta hálftímann en liðinu tókst ekki að nýta sér það þrátt fyrir nokkur ágætis færi.
„Ég held að við höfum átt að gera betur en ég væri alltaf til að spila 11 á móti 10 en við vorum pínu æstir þegar rauða spjaldið kom. Við vorum æstir að skora í stað þess að slaka á og ná stjórn á bolta en fengum samt dauðafæri í restina og strákurinn hitti boltann bara ekki vel."
„Við gáfum allt í þetta og strákarnir reyndu fram á síðustu sekúndu og svekkjandi að ná ekki að uppskera meira miðað við framlagið."
KA hefur farið tímabil betur af stað en margir þorðu að vona. Undirritaður hrósaði liði hans fyrir spilamennskuna til þessa og tók hann undir það.
„Ég verð að þakka þér fyrir þetta komment og ég er sammála því. Hlutirnir sem við erum að klikka á er þessi reynsla að koma úr Inkasso deildinni í þessa leið. Hlutirnir eru á réttri leið og spilamennskan sýnir það," sagði hann í lokin.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir