Þrjár í byrjunarliðinu leika sinn fyrsta mótsleik fyrir landsliðið
Klukkan 18:45 verður flautað til leiks Íslands og Frakklands á Evrópumóti kvenna í Hollandi. Þetta er leikur í fyrstu umferð C-riðils mótsins.
Freyr Alexandersson landsliðsþjálfari hefur tilkynnt byrjunarliðið en hann gerir eina breytingu frá byrjunarliðinu sem lék gegn Brasilíu og Írlandi í vináttulandsleikjum.
Freyr Alexandersson landsliðsþjálfari hefur tilkynnt byrjunarliðið en hann gerir eina breytingu frá byrjunarliðinu sem lék gegn Brasilíu og Írlandi í vináttulandsleikjum.
Smelltu hér til að fara í beina textalýsingu frá leiknum
Dagný Brynjarsdóttir kemur inn í liðið og leikur sem fremsti leikmaður.
Fótbolti.net spáði því að Dagný yrði í nýju hlutverki í þessari stöðu og það reyndist rétt. Katrín Ásbjörnsdóttur náði ekki að skora í síðustu leikjum liðsins fyrir mótið og er sett á bekkinn.
Yngsti leikmaður hópsins, Agla María Albertsdóttir, heldur sæti sínu í byrjunarliðinu og er á hægri kantinum. Þessi 17 ára stelpa verður yngst Íslendinga til að spila á stórmóti í fótbolta.
Ingibjörg Sigurðardóttir er í vörninni og á miðjunni er Sigríður Lára Garðarsdóttir en auk Öglu eru þær allar þrjár að leika sinn fyrsta mótsleik fyrir íslenska landsliðið.
Smelltu hér til að fara í beina textalýsingu frá leiknum
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir