„Þetta var hrikalega svekkjandi," sagði Fanndís Friðriksdóttir eftir tapið gegn Frakklandi í kvöld. Henni fannst vítaspyrnan sem Frakkar skoruðu sigurmarkið úr vera ódýr dómur.
Sjálf átti Fanndís að fá vítaspyrnu í blálok fyrri hálfleiks en ekkert var dæmt.
Sjálf átti Fanndís að fá vítaspyrnu í blálok fyrri hálfleiks en ekkert var dæmt.
Lestu um leikinn: Frakkland 1 - 0 Ísland
„Við hefðum átt að fá víti í fyrri hálfleik. Ég var að „kötta" inn á við, hún fer í lappirnar á mér. Ég skil ekki hvernig hún (dómarinn) gat ekki dæmt víti. Ég bara næ því ekki."
Heldur þú að ef þetta hefði gerst í teignum hinumegin að dómarinn hefði bent á punktinn?
„Þær fengu töluvert ódýrari víti en þetta, allavega frá mínu sjónarhorni. Það lítur þannig út að dómarinn hafi borið meiri virðingu fyrir þeim en okkur."
Fanndísi fannst Ísland leika virkilega góðan varnarleik í þessum leik. Hún sjálf hljóp gríðarlega mikið í leiknum.
„Ég var mjög þreytt undir restina en nú er bara að drekka og safna orku fyrir næsta leik."
Viðtalið má sjá í heild í sjónvarpinu hér að ofan.
Athugasemdir