„Það er erfitt að útskýra hvernig maður líður. Maður er svekktur en samt stoltur. Tilfinningarnar eru úti um allt," sagði Glódís Perla Viggósdóttir eftir naumt 1-0 tap gegn Frökkum á EM í kvöld.
Lestu um leikinn: Frakkland 1 - 0 Ísland
„Þessi leikur spilaðist eins og við lögðum upp með. Við spiluðum frábæran varnarleik allan leikinn. Það er ekkert sem við getum þannig lagað sett út á okkar leik. Við þurfum að halda áfram, vera klárar í næsta leik á laugardag og vinna hann."
Frakkar skoruðu sigurmarkið úr vítaspyrnu undir lok leiksins.
„Ég sá þetta ekki nógu vel en það er talað um að þetta hafi ekki verið víti. Atvikið hjá Fanndísi í fyrri hálfleik var meira víti. Það sem er aðallega svekkjandi að okkur fannst við eiga að fá víti fyrr í leiknum og það hefði breytt þessum leik."
Hér að ofan má sjá viðtalið í heild sinni.
Athugasemdir