„Það er frábær stemning í kringum þetta allt saman," sagði Guðni Bergsson, formaður KSÍ, hress í viðtali við Fótbolta.net í Tillburg í Hollandi í dag.
Guðni bíður spenntur eftir leiknum gegn Frökkum í kvöld.
Guðni bíður spenntur eftir leiknum gegn Frökkum í kvöld.
„Það hefur verið áhugavert og skemmtilegt að sjá hvað hópurinn er samstilltur og hvað undirbúningurinn er markviss og góður. Það fyllir manni bjartsýni. Við vitum að þetta er erfiður riðill en ég hef fulla trú á að stelpurnar nái að rísa upp og eiga góða leiki. Þá er ég bjartsýnn á framhaldið."
Guðni kíkti á lokaæfingu landslðisins á keppnisvellinum í Tillburg í gærkvöldi.
„Ég var á æfingunni í gær. Það var róleg æfing út af því að leikurinn í dag skiptir máli. Stelpurnar eru rosalega samstilltar og það er góður andi í hópnum. Það er léttleiki og gleði og það er gaman að sjá það. Það vinna allir sem einn til að ná árangri."
Hér að ofan má sjá viðtalið í heild sinni.
Athugasemdir