Inter Milan býst við því að hafa hinn króatíska Ivan Perisic í hóp þegar ítalska liðið fer í æfingaferð í dag.
Perisic hefur verið orðaður við Manchester United í allt sumar.
Fulltrúar frá United hafa heimsótt Inter í von um að ná samkomulagi um kaup á hinum 28 ára gamla Perisic.
Perisic hefur verið orðaður við Manchester United í allt sumar.
Fulltrúar frá United hafa heimsótt Inter í von um að ná samkomulagi um kaup á hinum 28 ára gamla Perisic.
Það er ekkert samkomulag í höfn ennþá, en Inter vill fá Anthony Martial sem hluta af samningnum.
Perisic mun fara með Inter til Asíu, til Kína og Singapúr, nema eitthvað stórt gerist í málum hans í dag.
Inter spilar gegn franska liðinu Lyon og þýsku meisturunum í Bayern München áður en þeir mæta Englandsmeisturum Chelsea í Singapúr.
Jose Mourinho, knattspyrnustjóri Manchester United, hefur ekki hugmynd um það hvað er að gerast með Perisic.
Hann var spurður út í stöðu mála eftir 2-1 sigur Manchester United á Real Salt Lake í Bandaríkjunum í nótt.
„Enga hugmynd. Enga hugmynd vinur. Enga," sagði Mourinho.
Talið er að Perisic muni kosta United 48 milljónir punda.
Athugasemdir