Njarðvík og Magni gerðu 1-1 jafntefli á NJarðtaks-vellinum í Njarðvík í kvöld en heimamenn skoruðu svokallað flautumark.

Lars Óli Jessen kom Magna á bragðið á 15. mínútu en Njarðvík fékk gullið tækifæri til að jafna á 40. mínútu er liðið fékk vítaspyrnu. Andri Freyr Freysson klúðraði hins vegar spyrnunni.

Það leit allt út fyrir að Magni myndi hirða öll stigin en Krystian Wiktorwicz sá til þess að heimamenn myndu fá alla vega einn punkt í dag.

Lokatölur því 1-1 en Njarðvík er áfram á toppnum með 35 stig á meðan Magni er með 32 stig í öðru sætinu.