Enski boltinn er byrjaður að rúlla á fullu en 2. umferð úrvalsdeildarinnar fer fram um helgina.

Veislan byrjar í hádeginu þegar Manchester United heimsækir Swansea. Velska liðið missti íslenska landsliðsmanninn Gylfa Þór Sigurðsson til Everton á miðvikudag líkt og allir vita.

Liverpool fær Crystal Palace í heimsókn og Jóhann Berg Guðmundsson og félagar í Burnley mæta West Brom. Deginum líkur svo á leik Stoke og Arsenal.

Á sunnudag mætast nýliðarnir Huddersfield og Newcastle en stórleikur dagsins verður leikur Tottenham og Chelsea en Lundúnarliðin enduðu í tveimur efstu sætunum á síðasta tímabili.

Umferðinni líkur svo á stórleik Manchester City og Everton en Gylfi Þór gæti leikið sinn fyrsta leik fyrir sitt nýja félag.