Það bárust gleðifréttir í herbúðum Chelsea í gærkvöldi þegar liðið mætti QPR í æfingaleik. Með Chelsea léku Eden Hazard og Tiemoue Bakayoko en þeir hafa verið meiddir.

Hazard hefur verið frá vegna meiðsla síðan í júlí og var talið að hann þyrfti að fara í aðgerð og vera frá í þrjá mánuði.

Bakayoko hefur verið meiddur frá enda síðasta tímabils en það voru hnémeiðsli að hrjá hann.

Leikurinn endaði með 8-0 stórsigri Chelsea og var Hazard einn af markaskorurum leiksins.

Ólíklegt er þó að þeir muni taka þátt í leik Chelsea og Tottenham á sunnudag.