,,Ég man ekki eftir leik gegn KR síðastliðinn ár þar sem annað liðið hefur valtað yfir hitt. Ég held að þetta verði mjög jafn leikur og muni ráðast á einhverjum smáatriðum."

KR gerði út um titilvonir FH á svipuðum tíma í fyrra með sigri í leik liðanna í Vesturbæ en þar klúðraði Davíð Þór vítaspyrnu.

,,Ef við fáum víti, þá tek ég það ekki," sagði Davíð fyrir leikinn í kvöld . ,,Við lærðum vonandi af þeim leik í fyrra. Við höfum sýnt í sumar að það er erfitt að brjóta okkur niður. Við þurfum að halda áfram að spila góðan varnarleik og skapa nægilega mörg færi til að vinna leikinn."

FH er fyrir leikinn gegn KR á toppi deildarinnar, tveimur stigum á undan Stjörnunni sem heimsækir Víking í dag.

,,Það hefur sýnt sig í ár að Stjarnan er ekki að tapa mikið af stigum. Við þurfum að gjöra svo vel og að hala inn stigum sjálfir og það gerast ekki mikið meira krefjandi verkefni en gegn KR," sagði Davíð en eftir 18 leiki eru bæði FH og Stjarnan taplaus.

,,Það er ótrúlegt. Við höfum einhverntímann átt tækifæri á að slíta okkur aðeins frá þeim en þá höfum við klikkað. Við þurfum að gjöra svo vel og klára okkar leiki núna og ef við gerum það þá vinnum við þetta mót."