Stjarnan vann Víking í kvöld á meðan FH og KR gerðu 1-1 jafntefli. Úrslitin gera það að verkum að FH og Stjarnan eru jöfn að stigum á toppi deildarinnar þegar þrjár umferðir eru eftir af Pepsi-deildinni.
Lestu um leikinn: FH 1 - 1 KR
„Mér fannst þetta ekki sanngjörn niðurstaða miðað við gang leiksins," sagði Davíð Þór Viðarsson, miðjumaður FH, eftir leikinn gegn KR.
„Mér fannst við betra liðið en fengum þetta mark á okkur í lokin sem var lélegt hjá okkur. Því fór sem fór. Það var ekkert að gerast hjá þeim. Ég tapaði skallabolta sem ég átti að vinna og svo kemur eitt skopp og hann (Gary Martin) var kominn í gegn. Þetta var of auðvelt mark að fá sig."
„Þetta er alvöru barátta (við Stjörnuna) og við verðum að gjöra svo vel og vinna Fram á sunnudag. Það er algjört bull að hugsa lengra en það."
Viðtalið má sjá í heild í sjónvarpinu hér að ofan.
Athugasemdir