Stjarnan vann Víking í kvöld á meðan FH og KR gerðu 1-1 jafntefli. Úrslitin gera það að verkum að FH og Stjarnan eru jöfn að stigum á toppi deildarinnar þegar þrjár umferðir eru eftir af Pepsi-deildinni.
Lestu um leikinn: FH 1 - 1 KR
KR-ingar eiga ekki lengur tölfræðilega möguleika á Íslandsmeistaratitlinum.
„Heilt yfir var þetta sanngjörn niðurstaða. Þetta var jafn og taktískur leikur þar sem færin voru ekkert rosalega mörg og slysamörk báðu megin," sagði Rúnar Kristinsson, þjálfari KR.
Þegar staðan var markalaus í fyrri hálfleik dæmdi dómarinn mark en tók það síðan til baka og dæmt var brot.
„Ég var nokkuð rólegur því mér fannst allaf brotið á Stefáni (markverði). Það var gott að þeir voru með kalltækin í eyrunum og gátu talað saman. Það var frábært hjá dómurunum að ráðfæra sig í stað þess að festa sig við fyrstu ákvörðun."
Viðtalið má sjá í heild sinni í sjónvarpinu hér að ofan.
Athugasemdir