„Það er hægt að sjá það á æfingum að leikmenn hafa gaman að vinnunni aftur," segir Boateng.

Boateng hefur verið að glíma við erfið meiðsli á þessu ári og þegar hann kom aftur til baka átti hann erfitt með að vinna sér inn sæti undir stjórn Ancelotti.

Nokkrir leikmenn Bayern höfðu kvartað í stjórnarformanninum Karl-Heinz Rummenigge þar sem þeim þótti æfingarnar undir Ancelotti vera of auðveldar.

Heynckes náði draumabyrjun en Bæjarar unnu 5-0 sigur gegn Freiburg síðasta laugardag.

Bayern dreymir um að vinna Meistaradeild Evrópu en liðið mætir Celtic í kvöld. Eftir tvo leiki í B-riðli er PSG með sex stig, Bayern og Celtic þrjú og Anderlecht á botninum án stiga.