Daniele De Rossi
Daniele De Rossi.
Fótbolti.net telur dagana til jóla með því að fá valinkunna einstaklinga til að velja bestu leikmenn heims í sérstakt heimslið. Á hverjum degi fram að jólum kynnum við einn í liðinu og á sjálfum aðfangadegi verður fyrirliðinn kynntur, besti leikmaður heims.
Ásgeir Börkur Ásgeirsson miðjumaður í Fylki er mikill aðdáandi varnarsinnaðra miðjumanna og hann sér um valið í þeim flokki.
,,Eftir mikla umhugsun kom ekkert annað til greina en prinsinn í Rómar borg, Daniele De Rossi," sagði Ásgeir Börkur.
,,Feikilega vel spilandi varnar-sinnaður miðjumaður með gott auga fyrir leiknum. Hefur oftar en ekki leyst miðvarðar stöðuna listilega vel með Ítalska landsliðinu, en er bestur í skítavinnunni á miðsvæðinu."
Miðjumaður: Daniele De Rossi, Roma
31 árs - Lykilmaður hjá Roma allan sinn feril.
Fimm staðreyndir um De Rossi:
- Alberto De Rossi, faðir Daniele, spilaði á sínum tíma með Roma.
- De Rossi hefur alltaf verið stuðningsmaður Roma. Hann var boltastrákur hjá liðinu á yngri árum.
- De Rossi leikur í treyju númer 16 þar sem dóttir hans fæddist 16. júní.
- Pep Guardiola og Edgar Davids voru átrúnaðargoð De Rossi.
- De Rossi er með mörg tattú. Laa-Laa úr Stubbunum er eitt af þeim en sú fígúra er í uppáhaldi hjá dóttur hans.
Alvöru hörkutól
Sjá einnig:
Vinstri bakvörður: David Alaba
Miðvörður: Vincent Kompany
Miðvörður: John Terry
Hægri bakvörður: Philipp Lahm
Markvörður: Manuel Neuer
Þjálfari: Joachim Löw
Athugasemdir
