Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   mán 18. desember 2017 10:00
Ívan Guðjón Baldursson
Sam Allardyce hlakkar til að geta notað Bolasie
Mynd: Getty Images
Yannick Bolasie gæti komið inn af bekknum er Everton mætir Swansea í enska boltanum í kvöld.

Stóri Sam Allardyce, sem hefur gert góða hluti frá því að hann tók við Everton af David Unsworth, segist hlakka mikið til að nota kantmanninn knáa.

Bolasie var dýrasti leikmaður Everton þegar hann var keyptur fyrir einu og hálfu ári. Hann stóð sig vel fyrstu mánuðina en sleit krossband og liðbönd eftir samstuð við Anthony Martial fyrir rúmu ári og hefur ekki spilað síðan.

„Þessi leikmaður hefur hæfileikana og hraðann til að gera mikinn skaða. Þegar Bolasie er uppá sitt besta þarf tvo menn til að dekka hann því hann er svo hættulegur með boltann," sagði Allardyce.

„Við megum ekki búast við of miklu, hann verður líklega eitthvað ryðgaður til að byrja með. Það er frábært fyrir félagið að hann sé kominn úr meiðslum."
Athugasemdir
banner
banner
banner