Enska úrvalsdeildarfélagið Brighton hefur gengið frá kaupunum á Jurgen Locadia framherja PSV í Hollandi. Leikmaðurinn kemur til liðsins fyrir metfé sem er talið vera í kringum 14 milljónir punda.
Þessi 24 ára leikmaður skrifar undir fjögurra og hálfs árs samning við félagið. Chris Hughton þjálfari Brighton er ánægður með kaupin.
„Við erum í skýjunum með að fá Jurgen til liðsins. Hann er leikmaður sem við höfum fylgst með í nokkurn tíma og það hefur ekki verið neitt leyndarmál að við höfum verið að leita að framherja."
Þessi 24 ára leikmaður skrifar undir fjögurra og hálfs árs samning við félagið. Chris Hughton þjálfari Brighton er ánægður með kaupin.
„Við erum í skýjunum með að fá Jurgen til liðsins. Hann er leikmaður sem við höfum fylgst með í nokkurn tíma og það hefur ekki verið neitt leyndarmál að við höfum verið að leita að framherja."
Hollendingurinn hefur skorað níu mörk í 15 leikjum fyrir PSV á tímabilinu og hefur hjálpa PSV í efsta sæti hollensku deildarinnar.
Brighton hefur skorað næst fæst mörk allra liða í ensku úrvalsdeildinni í vetur.
Ljóst er að með sölunni á Locadia skapast meira pláss fyrir Albert Guðmundsson hjá PSV en hann hefur verið ein skærasta stjarna varaliðs PSV.
Athugasemdir