Hinn 16 ára gamli Sævar Atli Magnússon skoraði sigurmarkið þegar Leiknir R. sigraði Fylki 2-1 í Lengjubikar karla í Egilshöll í kvöld.

Bæði þessi lið leika í Inkasso-deildinni í sumar en þau voru að spila sinn fyrsta leik í Lengjubikarnum í vetur.

Ingvar Ásbjörn Ingvarsson kom Leikni yfir á 22. mínútu en Oddur Ingi Guðmundsson jafnaði nokkrum mínútum fyrir hlé.

Sævar Atli, sem er fæddur árið 2000, tryggði Leikni síðan sigurinn á 56. mínútu leiksins.

Sævar Atli spilaði fjóra leiki með Leikni í Inkasso-deildinni í fyrra en árið 2015 kom hann á sem varamaður í lokaumferð Pepsi-deildarinnar gegn Keflavík.