Pep Guardiola og Paul Cook áttust við á hliðarlínunni.
Paul Cook, stjóri Wigan, er að rifna úr stolti eftir að hafa slegið Manchester City út í 16-liða úrslitum enska bikarsins.
Will Grigg gerði eina mark leiksins eftir varnarmistök Man City og á Wigan heimaleik gegn Southampton í 8-liða úrslitum.
Will Grigg gerði eina mark leiksins eftir varnarmistök Man City og á Wigan heimaleik gegn Southampton í 8-liða úrslitum.
„Við mættum ótrúlega sterkum andstæðingum í dag. Við þurftum að treysta á heppnina og auðvitað hjálpaði rauða spjaldið til," sagði Cook að leikslokum.
„Strákarnir eiga mikið hrós skilið fyrir þrautseigjuna, dugnaðinn og fórnfýsina sem þeir sýndu í dag."
Fabian Delph, leikmaður Man City, fékk rautt spjald undir lok fyrri hálfleiks. Pep Guardiola var ekki sáttur og endaði á að rífast við Cook bæði á hliðarlínunni og í leikmannagönunum.
„Það er ekkert vandamál á milli mín og Pep, við vorum einfaldlega að gæta okkar hagsmuna. Hann er stórkostlegur stjóri."
Athugasemdir
