Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   sun 19. mars 2017 14:30
Stefnir Stefánsson
Haukar gerðu jafntefli við vara- og unglingalið Wolfsburg
Heiða Rakel Guðmundsdóttir skoraði gegn varaliði Wolfsburg
Heiða Rakel Guðmundsdóttir skoraði gegn varaliði Wolfsburg
Mynd: Fótbolti.net - Hafliði Breiðfjörð
Undanfarna daga hafa Haukar verið í heimsókn hjá knattspyrnufélaginu Wolfsburg í Þýskalandi. Í gær laugardag, lék liðið æfingaleik við varalið Wolfsburg þar sem að liðin skildu jöfn 3-3 í hörkuleik. Um var að ræða blöndu hjá Wolfsburg af varaliði og U17 ára liði félagsins.

Þórdís Elva Ágústsdóttir, Margrét Björg Ástvaldsdóttir og Heiða Rakel Guðmundsdóttir skoruðu mörk Hauka.

Leikið var á gamla aðalvelli félagsins sem tekur um 20 þúsund manns í sæti. En eftir leikinn fór liðið á leik hjá karlaliði Wolfsburg í þýsku deildinni þar sem liðið sigraði Darmstadt 1-0 í hörku leik.

Hjá Wolfsburg hitta þær Söru Björk Gunnarsdóttur landsliðskonu í knattspyrnu en hún ólst upp á Ásvöllum.

Heimasíða Hauka greindi frá því að það hefur verið mjög áhugavert fyrir leikmenn ásamt forráðamönnum Hauka að sjá hvernig staðið er að kvennaknattspyrnu hjá einu fremsta félagi Evrópu. Heimsóknin hefur framið fram úr væntingum og í framhaldinu verður skoðuð frekari samvinna milli félaganna.
Athugasemdir
banner
banner