Jamie Carragher, fyrrum varnarmaður Liverpool, verður heiðursgestur á árshátíð Liverpoolklúbbsins á Íslandi sem fram fer í Kórnum þann 24. maí næstkomandi.
Liverpoolklúbburinn hefur undanfarin ár fengið þekkta fyrrum leikmenn félagsins til að mæta sem heiðursgestir á árshátíðina á Íslandi.
Robbie Fowler, Didi Hamann, Bruce Grobbelar, John Barnes og Ian Rush eru á meðal fyrrum leikmanna Liverpool sem hafa verið heiðursgestir á árshátíð klúbbsins undanfarin ár.
Carragher mætir á árshátíðina að þessu sinni en hann lék allan sinn feril með Liverpool.
Carragher lagði skóna á hillluna árið 2013 en í dag starfar hann sem sérfræðingur hjá Sky Sports.
„Stefnt er að því að hefja miðasölu fyrir félagsmenn miðvikudaginn næsta, nánar tiltekið þann 22. mars en salan verður vel auglýst hér á vefnum sem og á Facebook síðu klúbbsins sem finna má hér," segir á liverpool.is.
Athugasemdir
