sun 19. mars 2017 23:00
Ívan Guðjón Baldursson
Klopp: Lallana baðst afsökunar
Mynd: Getty Images
Jürgen Klopp segir að Adam Lallana hafi beðið sig afsökunar eftir 1-1 jafntefli Liverpool gegn Manchester City á Etihad leikvanginum.

Lallana brenndi af dauðafæri í síðari hálfleik sem hefði getað unnið leikinn fyrir Liverpool, en Klopp erfir ekkert við miðjumanninn sinn.

„Lallana er einn af hæfileikaríkustu leikmönnum sem ég hef nokkurn tímann þjálfað. Tæknin hans er ótrúleg," sagði Klopp um Lallana.

„Adam afsakaði sig eftir leikinn, en hann þurfti ekki að afsaka sig því hann stóð sig frábærlega í leiknum, eins og hann gerir í hverri viku.

„Það eru margar ástæður fyrir því að Lallana getur hafa klúðrað þessu færi, það getur komið fyrir hvern sem er að brenna af dauðafæri."

Athugasemdir
banner
banner
banner
banner