Valur er með fullt hús stiga eftir þrjár umferðir í Lengjubikarnum og er þremur stigum á eftir toppliði ÍA.

Valur lagði Ólafsvíkinga á Valsvelli í nokkuð öruggum sigri, þar sem heimamenn stjórnuðu gangi leiksins frá upphafi til enda.

Danirnir Nicolas Bogild og Nikolaj Hansen gerðu mörk Valsara í leiknum, sem hefðu getað verið talsvert fleiri.

Óttar Ásbjörnsson klóraði í bakkann fyrir gestina í uppbótartíma eftir varnarmistök heimamanna en nær komust Ólafsvíkingar ekki.

Ólafsvíkingar eru með þrjú stig eftir fjórar umferðir og eiga aðeins eftir að keppa við HK, sem er stigalaust eftir þrjár umferðir.