Rætt var um íslenska landsliðið í útvarpsþættinum Fótbolti.net á X-inu FM 97,7 í gær. Mikið er um forföll fyrir komandi landsleik gegn Kosóvó en í þættinum var sett saman úrvalslið leikmanna sem eru ekki í hópnum. Horft var til þeirra manna sem hafa hvað mest verið viðloðandi landsliðið.
Hlustaðu á hringborðið úr útvarpsþættinum
Sjáðu landsliðshópinn
Hlustaðu á hringborðið úr útvarpsþættinum
Sjáðu landsliðshópinn
Rúnar Alex Rúnarsson | Er aðalmarkvörður Nordsjælland í dönsku úrvalsdeildinni. Ekki valinn.
Haukur Heiðar Hauksson | Hægri bakvörður AIK. Var í EM-hópnum en er ekki valinn.
Hjörtur Hermannsson | Byrjunarliðsmaður hjá Bröndby. Var í EM hópnum en er ekki valinn.
Jón Guðni Fjóluson | Miðvörður Norrköping á 10 landsleiki en er ekki valinn.
Kristinn Jónsson | Vinstri bakvörðurinn var með í janúarverkefnunum en er ekki valinn nú.
Theodór Elmar Bjarnason | Hefur verið í stóru hlutverki hjá íslenska landsliðinu en tekur út leikbann gegn Kosóvó.
Rúnar Már Sigurjónsson | Kom mörgum á óvart að hann var ekki valinn í hópinn. Fastamaður hjá Grasshopper í Sviss.
Birkir Bjarnason | Missir af mótsleik með íslenska landsliðinu í fyrsta sinn síðan 2011. Meiddur.
Jóhann Berg Guðmundsson | Einn af þeim lykilmönnum sem missa af leiknum vegna meiðsla.
Alfreð Finnbogason | Skoraði í fyrstu þremur leikjum undankeppninnar en hefur verið á meiðslalistanum síðan.
Kolbeinn Sigþórsson | Er að glíma við erfið hnémeiðsli og óvíst hvenær hann snýr aftur.
Athugasemdir
