Manchester City 2 - 0 West Ham
1-0 James Collins ('18 , sjálfsmark)
2-0 Sergio Aguero ('36 )
1-0 James Collins ('18 , sjálfsmark)
2-0 Sergio Aguero ('36 )
Englandsmeistarar Manchester City áttu ekki í neinum vandræðum með West Ham á Etihad leikvangnum í dag.
James Collins ákvað þó að hjálpa þeim af stað en hann skoraði stórglæsilegt sjálfsmark á 18.mínútu þegar hann ætlaði sér að hreinsa frá fyrirgjöf Jesus Navas.
Navas lagði einnig upp annað mark leiksins en í þetta skiptið var það Sergio Aguero sem kom boltanum í netið og staðan í hálfleik 2-0.
Man City varð fyrir áfalli í síðari hálfleik en David Silva var borinn meiddur af velli eftir 75 mínútna leik.
Ekkert mark var skorað í seinni hálfleiknum og sanngjarn sigur heimamanna staðreynd.
Englandsmeistararnir komnir aftur á beinu brautina en liðið er stigi á eftir erkifjendunum í Man Utd sem sitja í 3.sæti og með sjö stiga forystu á Liverpool sem er í 5.sæti en Liverpool á þó leik til góða.
Athugasemdir