Heimild: Vefur Barcelona
Lionel Messi með svakaleg tilþrif í leiknum í gær. Hann hreinlega getur ekki hætt að skora,
Lionel Messi skoraði í gær sitt 400. mark fyrir Barcelona þegar hann skoraði annað mark liðsins í 2-0 sigri á Valencia.
Mörkin 400 hefur Messi skorað í 471 leik í öllum keppnum sem þýðir að hann skorar að meðaltali 0,85 mörk í leik allan ferilinn til þessa.
Hann er fyrsti leikmaðurinn sem skorar 400 mörk fyrir katalónska liðið.
278 marka Messi hafa komið í spænsku deildinni, 75 í Meistaradeild Evópu, og 32 í spænska bikarnum. Þá skoraði hann 10 í spænska ofurbikarnum, eitt í ofurbikar Evrópu og fjögur í Heimsmeistaramóti félagsliða.
Hann hefur skorað 46 mörk í 46 leikjum á þessari leiktíð, 35 í deildinni, 3 í bikarnum og 8 í Meistaradeildinni.
Athugasemdir
