Guðbjörg Gunnarsdóttir er ekki enn búin að fá mark á sig.
Hólmfríður Magnúsdóttir skoraði fyrsta markið í góðum sigri Avaldsnes gegn Kolbotn í norsku efstu deildinni fyrr í dag.
Þórunn Helga Jónsdóttir var á bekknum en kom inná í stað Hólmfríðar á lokamínútunum og er Avaldsnes með sex stig eftir þrjár umferðir.
Þórunn Helga Jónsdóttir var á bekknum en kom inná í stað Hólmfríðar á lokamínútunum og er Avaldsnes með sex stig eftir þrjár umferðir.
Gunnhildur Yrsa Jónsdóttir var í byrjunarliði Stabæk og skoraði annað mark liðsins í sigri á Sandviken. Stabæk er með sex stig eftir sigurinn.
Þá halda Lillestrom og Klepp sigurgöngu sinni áfram og eru saman á toppi norsku deildarinnar með níu stig eftir þrjár umferðir.
Guðbjörg Gunnarsdóttir er búin að halda hreinu í leikjunum þremur á milli stanga Lillestrom, sem er með markatöluna 4:0.
Í liði Klepp, sem stýrt er af Jóni Páli Pálmasyni, voru María Þórisdóttir og Katrín Ásbjörnsdóttir í byrjunarliðinu og skoraði Katrín fyrsta mark leiksins á 7. mínútu.
Avaldsnes 3 - 0 Kolbotn
1-0 Hólmfríður Magnúsdóttir ('33)
2-0 E. Thorsnes ('50)
3-0 Bertolucci Paixao ('60)
Sandviken 1 - 3 Stabæk
1-0 K. Bakke ('6)
1-1 T. Ronning ('9)
1-2 Gunnhildur Yrsa Jónsdóttir ('25)
1-3 M. Bjanesoy ('65)
Klepp 2 - 0 Trondheims-Orn
1-0 Katrín Ásbjörnsdóttir ('7)
2-0 G. T. Ims ('76)
Medkila 0 - 1 Lillestrom
0-1 M. Berget ('13)
Athugasemdir
