mið 19. apríl 2017 22:23
Guðmundur Aðalsteinn Ásgeirsson
Allegri: Við viljum halda áfram að bæta okkur
Stefnir á þrennuna.
Stefnir á þrennuna.
Mynd: Getty Images
„Ég er mjög ánægður með það sem strákarnir eru að gera, en lykillinn er ekki að halda áfram, við viljum bæta okkur," sagði Massimiliano Allegri, þjálfari Juventus, eftir markalaust jafntefli gegn Barcelona á Spáni í kvöld. Juventus komst áfram.

Þessi leikur var í 8-liða úrslitum Meistaradeildarinnar, en Ítalíumeistararnir unnu fyrri leikinn 3-0 og fara því áfram.

„Að Barcelona takist ekki að skora í tveimur leikjum, maður hefur nánast aldrei heyrt það," sagði Allegri við Mediaset Premium.

„Við vorum mjög góðir varnarlega, en ekki jafngóðir í sóknarleiknum þar sem okkur tókst ekki að nýta efnilegar skyndisóknir. Við stigum stórt skref í átt að Cardiff í kvöld."

Juventus á enn möguleika á þrennunni. Þeir eru á góðri leið með að vinna ítölsku úrvalsdeildina, eru komnir í bikarúrslit og undanúrslit Meistaradeildarinnar eftir leikinn í kvöld.
Athugasemdir
banner
banner
banner
banner
banner