mið 19. apríl 2017 11:45
Elvar Geir Magnússon
L’Equipe segir að Aurier færist nær Man Utd
Aurier á Old Trafford í sumar?
Aurier á Old Trafford í sumar?
Mynd: Getty Images
Franska blaðið L’Equipe segir að Manchester United sé nálægt því að tryggja sér hægri bakvörðinn Serge Aurier frá Paris Saint-Germain.

Mikið hefur verið talað um að Jose Mourinho ætli að taka til í vörninni hjá sér og sögusagnir um að óvissa ríki með framtíð Matteo Darmian, Phil Jones, og Chris Smalling.

L’Equipe segir að áhuginn sé gagnkvæmur; Aurier hafi látið Mourinho vita að hann vilji fara á Old Trafford.

Aurier er 24 ára og er samningsbundinn til 2019. Talið er að leikmaðurinn gæti kostað Manchester United í kringum 20 milljónir evra.

Aurier er landsliðsmaður Fílabeinsstrandarinnar en þar er hann samherji Eric Bailly, miðvarðar United.
Athugasemdir
banner
banner
banner
banner