Spá Fótbolta.net - 5. sæti: KR

Spáin:
1. ?
2. ?
3. ?
4. ?
5. KR 58 stig
6. Breiðablik 55 stig
7. Grindavík 43 stig
8. Fjölnir 23 stig
9. ÍBV 21 stig
10. Fylkir 19 stig
11. Víkingur R. 18 stig
12. Keflavík 15 stig

Um liðið: KR olli vonbrigðum á síðasta tímabili en niðurstaðan varð 4. sæti og ekki sæti í Evrópukeppni í sumar. Rúnar Kristinsson er nú kominn heim til að reyna að snúa við blaðinu í Vesturbæ.

Þjálfari - Rúnar Kristinsson Rúnar er mættur aftur heim í Vesturbæ eftir að hafa þjálfað Lilleström í Noregi og Lokeren í Belgíu. Rúnar er uppalinn KR-ingur og þegar ferli hans sem atvinnumaður lauk kom hann aftur heim í vesturbæ. Rúnar hóf síðan þjálfaraferil sinn hjá KR og stýrði liðinu til Íslandsmeistaratitils bæði 2011 og 2013. KR varð einnig bikarmeistari undir stjórn Rúnars 2011, 2012 og 2014.

Nær KR flugi á ný?

Styrkleikar: Mjög margir reynsluboltar eru í KR-liðinu, leikmenn sem eiga mörg hundruð leiki að baki í Pepsi-deildinni. Rúnar hefur náð mögnuðum árangri sem þjálfari KR og hann gæti hjálpað liðinu að ná flugi á nýjan leik. Stemningin í Vesturbænum hefur verið á uppleið í vetur eftir komu hans. Bakverðirnir Morten Beck og Kristinn Jónsson eru öflugir og gætu hjálpað í sóknarleiknum.

Veikleikar: KR vann einungis þrjá heimaleiki í fyrra og liðið þarf að gera Frostaskjólið að miklu sterkara vígi í sumar til að blanda sér af alvöru í toppbaráttu. Markaskorunin var vandamál hjá KR í fyrra en sóknarleikur liðsins var flatur og gekk oft illa. Í vetur hefur sama vandamál verið til staðar en KR skoraði einungis sjö mörk í fimm leikjum í Lengjubikarnum. Breiddin hjá KR er ekki sú sama og hjá öðrum liðum í toppbaráttunni og samkeppnin um sæti ekki jafn hörð,

Lykilmenn: Óskar Örn Hauksson og Albert Watson. Óskar hefur verið lykilmaður hjá KR í áraraðir. Skilar alltaf mörgum og stoðsendingum. Watson kom til KR í vetur og Rúnar segir að hann sé sterkur karakter sem eigi að stjórna varnarleiknum.

Gaman að fylgjast með: Björgvin Stefánsson hefur raðað inn mörkunum með Haukum í Inkasso-deildinni undanfarin ár. Björgvin náði sér ekki á strik með Val og Þrótti R. í Pepsi-deildinni 2016 en hann fær nú annan séns þar.

Spurningamerkið: Getur Rúnar náð að hressa upp á sóknarleik KR og komið liðinu aftur í alvöru titilbaráttu?

Völlurinn: KR-völlurinn er klassískur en lítið hefur hins vegar verið gert til að bæta umgjörðina þar undanfarin ár. Líf virðist þó vera að kvikna í kringum starfið hjá KR og vonandi koma fleiri áhorfendur á völlinn í Vesurbænum í sumar en undanfarin tímabil.

„Markiðið að koma KR aftur í Evrópukeppni"

Þjálfarinn segir - Rúnar Kristinsson
„KR hefur oftast verið í efstu þremur sætunum í þessum spám. Þetta endurspeglast oft af því hvað liðið hefur verið að gera í ár og í fyrra, hvernig leikmannamarkaðurinn og undirbúningstímabilið hefur verið. Þetta hefur verið upp og niður hjá okkur og litast af því. Markmiðið er að vera ofar en þetta, vera ofar en í fyrra og koma KR aftur í Evrópukeppni. Það er mjög óvanalegt að við séum ekki þar. Auðvitað viljum við gera atlögu að titlinum og taka þátt í þeirri baráttu en við vitum að það er fullt af góðum liðum að berjast um þetta og deildin er orðin jöfn og sterk."

Komnir:
Albert Watson frá Kanada
Björgvin Stefánsson frá Haukum
Kristinn Jónsson frá Breiðabliki
Pablo Punyed frá ÍBV

Farnir:
Garðar Jóhannsson hættur
Guðmundur Andri Tryggvason í Start
Michael Præst
Óliver Dagur Thorlacius til Gróttu á láni
Robert Sandnes
Stefán Logi Magnússon í Selfoss
Tobias Thomsen í Val

Sjá einnig:
Hin hliðin - Finnur Orri Margeirsson
Óskar og Aron - Breytingar hjá KR, karfan og Peter Crouch

Leikmenn KR sumarið 2018:
2 Morten Beck
3 Ástbjörn Þórðarson
4 Albert Watson
5 Arnór Sveinn Aðalsteinsson
6 Gunnar Þór Gunnarsson
7 Skúli Jón Friðgeirsson
8 Finnur Orri Margeirsson
9 Björgvin Stefánsson
10 Pálmi Rafn Pálmason
11 Kennie Knak Chopart
13 Sindri Snær Jensson
15 André Bjerregaard
16 Pablo Punyed
18 Aron Bjarki Jósepsson
19 Kristinn Jónsson
20 Axel Sigurðarson
22 Óskar Örn Hauksson
23 Atli Sigurjónsson
24 Valtýr Már Michaelsson
25 Stefán Árni Geirrsson
26 Finnur Tómas Pálmason
28 Hjalti Sigurðsson
30 Beitir Ólafsson

Leikir KR 2018:
27.apríl Valur – KR
6.maí KR – Stjarnan
13.maí Grindavík – KR
17.maí KR – Breiðablik
21.maí Fjölnir – KR
27.maí KR – KA
3.júní ÍBV – KA
10.júní KR – FH
14.júní Keflavík – KR
1.júlí KR – Víkingur R.
5.júlí KR - Valur
16.júlí Fylkir – KR
22.júlí Stjarnan – KR
30.júlí KR – Grindavík
7.ágúst Breiðablik – KR
12.ágúst KR – Fjölnir
19.ágúst KA – KR
26.ágúst KR – ÍBV
2.september FH – KR
16.ágúst KR – Keflavík
23.september KR – Fylkir
29.september Víkingur R. – KR

Spámennirnir: Arnar Daði Arnarsson, Elvar Geir Magnússon, Guðmundur Aðalsteinn Ásgeirsson, Hafliði Breiðfjörð, Magnús Már Einarsson, Magnús Þór Jónsson og Tryggvi Guðmundsson.