Kristján Guðmundsson, þjálfari ÍBV, var að vonum svekktur eftir að lið hans þurfti að lúta í lægra haldi gegn ríkjandi Íslandsmeisturum Vals í dag í Meistarakeppni KSÍ.
„Það er svekkelsi að hafa ekki nýtt betur færin hér í dag. Leikurinn spilaðist eins og við bjuggumst við. Við erum ánægðir með uppleggið í varnarleiknum okkar en það vantaði meiri áræðni í sóknarleikinn." sagði Kristján í viðtali eftir leik.
„Það er svekkelsi að hafa ekki nýtt betur færin hér í dag. Leikurinn spilaðist eins og við bjuggumst við. Við erum ánægðir með uppleggið í varnarleiknum okkar en það vantaði meiri áræðni í sóknarleikinn." sagði Kristján í viðtali eftir leik.
ÍBV er spáð 9.sæti í spánni hér á Fótbolta.net og hafa verið miklar róteringar á liðinu. Fyrr í mánuðinum var varnarmaðurinn Gilson Correia til skoðunnar hjá Eyjamönnum en nú er útlit fyrir að hann semji ekki við liðið.
„Hann er meiddur og fór heim í dag í skoðun hjá sínu liði. Það er mjög ólíklegt að við semjum við hann." sagði Kristján aðspurður útí málið. En hvernig metur hann möguleika Eyjamanna í sumar.
„Miðað við spilamennsku okkar í dag erum við að senda jákvæð skilaboð og ég hef trú á því að þetta haldi áfram og að við verðum bara fínir." sagði Kristján að lokum.
Athugasemdir
