Smalling skoraði gegn Bournemouth í gær.
Baráttan um gullskóinn í ensku úrvalsdeildinni virðist vera kapphlaup á milli tveggja leikmanna, Mohamed Salah og Harry Kane. Chris Smalling, varnarmaður Manchester United, segir það ekki rétt því hann ætli að veita þeim samkeppni á lokasprettinum.
Salah er kominn með 30 deildarmörk á mögnuðu fyrsta tímabili með Liverpool. Kane hefur unnið gullskóinn síðustu tvö tímabilin en hann er fjórum mörkum frá Salah.
Salah er kominn með 30 deildarmörk á mögnuðu fyrsta tímabili með Liverpool. Kane hefur unnið gullskóinn síðustu tvö tímabilin en hann er fjórum mörkum frá Salah.
Það er langt í næstu menn en Smalling grínaðist með það, eftir að hafa skoraði í 2-0 sigri á Bournemouth í gær, að hann gæti náð þeim.
„Reyni að ná gullskónum með góðum lokaspretti," skrifaði Smalling í Twitter-færslu eftir sigurinn í gær.
Þó hann hafi verið að grínast þarna, þá hefur Smalling verið duglegur í markaskorun á tímabilinu. Hann er kominn með fjögur deildarmörk á tímabilinu, en hann hefur skorað í síðustu þremur útileikjum United, gegn Crystal Palace, Man City og Bournemouth.
Hann þyrfti líklega að skora sirka 30 mörk í síðustu fjórum deildarleikjum United til að ná Salah og Kane.
Late charge for the golden boot 😂⚽🔥 Good response after the weekend. #MUFC #GGMU #ManUtd #PremierLeague pic.twitter.com/xsCwSp2vmF
— Chris Smalling (@ChrisSmalling) April 18, 2018
Athugasemdir
