fös 19. maí 2017 12:30
Magnús Már Einarsson
Mourinho telur að Man Utd geti barist um titilinn
Mynd: Getty Images
Jose Mourinho telur að Manchester United geti barist um titilinn í ensku úrvalsdeildinni á næsta tímabili. United endar í 6. sæti á þessu tímabili en fyrir lokaumferðina er liðið 24 stigum á eftir toppliði Chelsea.

„Þetta tímabil erum við ekki nálægt því að vinna deildina. Það eru félög sem eru með meiri stöðugleika en við, betri hópa og meiri tíma til að vinna," sagði Mourinho.

„Ég er nokkuð viss um að út frá andlegu og taktísku sjónarmiði þá höfum við bætt okkur. Ef að næsti félagaskiptagluggi verður góður þá tel ég að við getum barist (um titilinn)."

„Við þurfum að leggja vinnu á okkur. Það góða er að félagið veit það, stjórnin veit það og ég veit það. Við erum saman í þessari vinnu."

„Þetta var ekki félag eða lið þar sem þú gast mætt á svæðið og allt var klárt til að fara beint í að vinna stóra titla."

Athugasemdir
banner
banner