Gross er 25 ára og er fyrsti leikmaðurinn sem Brighton fær til sín eftir að félagið tryggði sér sæti í ensku úrvalsdeildinni.

Ingolstadt féll úr þýsku úrvalsdeildinni á tímabilinu en Gross var þeirra langbesti maður sóknarlega og skapaði hann fleiri færi í deildinni (95) en nokkur annar leikmaður deildarinnar.

„Við erum í skýjunum með að Pascal hafi ákveðið að semja við okkur þrátt fyrir áhuga frá öðrum félögum í ensku úrvalsdeildinni og í Evrópu," segir Chris Hughton, stjóri Brighton.

„Hann kemur með nýja kosti á miðsvæðið, hann er miðjumaður sem vinnur á bak við sóknarlínuna."