Bjarni Aðalsteinsson var hetja Magna í dag þegar hann tryggði liðinu 1-0 sigur á Víkingi Ólafsvík í Inkasso deildinni.

Bjarni skoraði sigurmark leiksins í uppbótartíma og hann segir það hafa verið svakalega ljúft.

„Liðið er allt svo samstill og að skora svona eftir horn það gerist ekki betra. Bara eins og í draumi."

„Ég hugsaði bara um að setja hann á rammann en ég hugsa að við hefðum fengið víti ef hann hefði ekki farið inn."

Það virtist ekki ætla að ganga upp hjá Magna að skora í dag. Var Bjarni farinn að sætta sig við jafnteflið?

„Víkingur er erfitt lið en við viljum alltaf meira og það býr mikið í þessu liði og við vissum allan tímann að við gátum stolið þessum þremur stigu."

„Þetta er okkar fyrsta tímabil í Inkasso en við vitum að við getum betur og við höldum bara áfram núna."

Viðtalið við Bjarna má sjá í spilaranum hér að ofan.