Ejub Purisevic hrósaði Magna eftir 1-0 sigur liðins á lærisveinum hans í Víking Ólafsvík á Akureyri í dag. Hann segir að sigurinn hafi ekki verið óverðskuldaður.

„Mér finnst allt í lagi að tapa, þetta var alls ekki óverðskuldað. Við áttum einfaldlega bara að halda boltanum betur og tala betur saman."

„Síðasta korterið vorum við komnir með yfirhöndina og vorum líklegri. Magni spilaði vel í dag og er með fullt af sprækum strákum. Við gerðum mistök og þeir refsuðu okkur."

Víkingar Ólafsvík hafa spilað þrjá útileiki í röð en Ejub telur að það hafi ekki haft nein áhrif á spilamennsku liðsins.

„Við spilum útileika allan veturinn, við spilum aldrei heima."

„Við héldum boltanum illa og vorum ekki að skapa nægilega mikið. Við eigum að gera töluvert betur."

Viðtalið við Ejub má sjá í spilaranum hér að ofan. Smelltu hér til þess að lesa nánar um leikinn.