Titlalaust tímabil hjá Manchester United
Chelsea 1 - 0 Manchester Utd
1-0 Eden Hazard ('22 , víti)
1-0 Eden Hazard ('22 , víti)
Chelsea er enskur bikarmeistari í fótbolta eftir sigur á Manchester United í úrslitaleik á sólríkum laugardegi á Wembley í Lundúnum.
Pjúra vítaspyrna
Chelsea byrjaði leikinn vel og stjórnaði fyrstu mínúturnar, en það dró fyrst til tíðinda á 22. mínútu. Þá slapp Eden Hazard í gegn og var kominn í mjög álitlega stöðu áður en hann var felldur innan teigs af varnarmanni United, Phil Jones.
Michael Oliver, dómari leiksins, var í engum vafa og benti á vítaspunktinn. Endursýningar sýndu að dómurinn var réttur. Hazard steig sjálfur á punktinn og hann skoraði af gífurlegu öryggi.
Phil Jones. No words.
— Liam Canning (@LiamPaulCanning) May 19, 2018
Fyrri hálfleikurinn var rólegur eftir þetta mark. United átti góða sókna undir lok fyrri hálfleiksins, meira var það ekki.
Það vakti athygli að Jose Mourinho, stjóri Man Utd, skyldi engar breytingar gera í hálfleik, hann hélt í sama lið. Þó byrjuðu þeir rauðklæddu frá Manchester-borg seinni hálfleikinn vel og pressuðu stíf á bláklædda Lundúnarbúa.
Alexis Sanchez skoraði rangstöðumark eftir að Thibaut Courtois hafði varið frábærlega um miðjan seinni hálfleikinn, en það var besta færi United í leiknum á marki.
Lokatölurnar á Wembley 1-0 fyrir Chelsea sem er bikarmeistari. Man Utd fer titlalaust í gegnum tímabilið.
Congratulations, @ChelseaFC - winners of the 2018 @EmiratesFACup 🎉 pic.twitter.com/UFyuEcsGFD
— The Emirates FA Cup (@EmiratesFACup) May 19, 2018
Athugasemdir