Jafntefli varð niðurstaðan í leik KR og Breiðabliks þar sem KR skoraði í blálok leiksins. Það er með hreinum ólíkindum að mörkin urðu ekki fleiri en markið í lokin kom í veg fyrir að KR yrði í fallsæti eftir umferðina.
Lestu um leikinn: KR 1 - 1 Breiðablik
„Við klúðruðum urmul af færum. Við áttum að klára færin og vinna þennan leik en úr því sem komið var þá var betra að fá eitt stig en ekkert," segir Willum Þór Þórsson, þjálfari KR.
„Ég ætla að hrósa leikmönnum og liðinu. Maður verður pirraður þegar færin eru ekki að nýtast en liðið hélt áfram. Liðið nær í punkt á lokamínútunum og sýnir skapstyrk sem hægt er að byggja á."
Indriði Sigurðsson var á bekknum hjá KR.
„Hann er með brjósklos og það er stutt á milli leikja. Meiningin var að létta á honum. Indriði var sem sannur fyrirliði með okkur í dag, hvatti liðið og var til taks ef á þyrfti að halda."
KR er með átta stig og stigasöfnunin alls ekki verið eftir væntingum.
„Hún er langt frá því sem ég var að vonast til. Ég hef svo mikla trú á þessu liði. Við erum með frábært fótboltalið. Þetta er ekki nálægt væntingum og svekkjandi fyrir alla KR-inga. Maður getur ekki verið að velta sér upp úr því. Við þurfum að vinna vel með liðið svo menn haldi trúnni."
Viðtalið má sjá í heild í sjónvarpinu hér að ofan.
Athugasemdir