Lehmann vann undir stjórn Arsene Wenger.
Arsenal hefur tilkynnt fyrrum markverði liðsins og núverandi aðstoðarþjálfara, Jens Lehmann, að hans starfskrafta sé ekki lengur óskað hjá félaginu.
Lehmann hverfur á braut ásamt þeim Neil Banfield, Tony Colbert, Gerry Peyton og Boro Primorac.
Nýr knattspyrnustjóri liðsins, Unai Emery hefur valið sér þá Juan Carlos Carcedo og Steve Bould sem aðstoðarmenn. Bould þekkir vel til hjá félaginu og hefur unnið undir stjórn Arsene Wenger.
Auk þeirra tveggja hafa þeir Pablo Villanueva, Darren Burgess, Julen Masach, Javi Garcia, Sal Bibbo og Victor Manas verið staðfestir í þjálfarateymi næsta tímabils.
Lehmann virðist allt annað en sáttur við brotthvarfið ef eitthvað er að marka Twitter færslu sem hann setti inn eftir að breytingarnar voru tilkynntar.
Dear #Arsenal Fans , I am sorry to leave the club after only one year again. It was a good experience working with the players as one of the assistant-coaches. But the attitude from our 2004-group is not needed there anymore.
— Jens Lehmann (@jenslehmann) June 19, 2018
Athugasemdir
